نجر بن فيصل العصيمي

السلام عليكم ورحمة الله وبركاته


أخواني الاعزاء هذه القصيدة قديمة قالها

الشاعر الكبير/نجر بن فيصل العصيمي

مسندها للشيخ المرحوم/سلطان بن جهجاه بن حميد0 غفرالله له ،


ويقول فيها



ياعيد جهز موتري للمطاريــــــــش=نبغى نزور اللي للأنشاب فكــــــاك
يا موتري لا تنحر الا اشقر الريــــش=اللي ليا جيته من البعد حيـــــــاك
حر ٍ ولد حر ٍ بعيد المناطيــــــــــــش=واليا تحريت العشا منه عشــــــاك
سلطان ابن جهجاه ريف الهشاهيش=مرحوم يا شيخ ٍ على الطيب وصاك
الحر الاشقر يرفع الراس ويعيــــــش=والطير الابرق ما يجيبك من أقصاك
نفسك تزوم عن الحباري المخاييـــش=والطيب الاول ساس جدك ومجناك
ويقول من فتش عن الطيب تفتيــــش=ولقى الفعول الطيبه ما تعـــــــداك
والطيب ساسك يا بعيد المحاويــــــش=وعن الرذيله مقفيات ٍ مطايــــــــاك
أمدحك ضد اهل الوجيه المعاميــــــش=اللي على ختم الأماره تحــــــــداك
أمارتك ما خذتها بالبخاشـــــــــــــــيش=فعل ٍ لأبوك وفعل جدك ويمنـــــــاك
ياما ثنيتوا من ورى تالي الجيـــــــــــش=وياما صلقتوهن على حوض الادراك
قول ٍ صحيح ولا يجي فيه تشويـــــــش=واللي يعارض حط راسه بمخبـــــاك
نمشي ونتبع بالرخا لقمة العيــــــــــش=واليا تحدتنا المشاكل ذكرنـــــــــــاك
ويوم القبايل بين حرب وتناويـــــــــــــش=عطفة عتيبه تنزل الخوف بحمـــــاك
واللي يساويبك راعاة القرافيــــــــــــش=يقطع ويخضع يابن جهجاه لحـــــذاك
أقولها لو يزعل اللاش حتيـــــــــــــــــش=ضربة يمينه ما تساوي ليســــــــراك
حيث انت ستر منقضات العكاريــــــــــش=واللي يبيك بساعة الضيق يلقــــــاك
يدوم عزك يا زبون المداغيـــــــــــــــــــش=يا طايل ٍ علم الفخر لا عدمنــــــــــاك
ظيم العدا مروي اكبود ٍ معاطيـــــــــــــش=واللي يبا يزعل يسوي سوايــــــــاك
@ـايل
09-Jul-2009, 08:18 PM
رحم الله الشيخ / سلطان بن جهجاه بن حميد ..وغفر له ..

وصح لسان الشاعر / نجر العصيمي ..

ولاهنت يابو مرحبا على النقل الموفق..